Kimete Berisha sulmon Isa Mustafën: – A po do edhe një ‘nuse’ me ta gjet!

Nga Kimete Berisha

03/12/2019

Publicistja Kimete Berisha ka thumbuar ashpër kryetarin e Lidhjes Demokratike të Kosovës, Isa Mustafa, për zvarritjen e arritjes së marrëveshjes për koalicion me Vetëvendosjen, shkruan veriu.info

Ajo i është drejtuar Mustafës duke thënë që të bëhet vet president e të mos kërkojë që këtë post t’ia mundësojë VV-ja.

Në fund, ajo ka paralajmëruar se mjafton edhe tre-katër ditë zvarritje të marrëveshjes edhe harrohen dhe se ka kush e do Kosovën pa kushte. /Veriu.info

Postimi i plotë:

Isa, a po do edhe një ‘nuse’ me ta gjet!

Ty a të erdh dita me çu kry’, me qitë kajde, jo po du kështu, jo tash po du kështu.
Jo tash valla po du kështu.

Se t’kemi hasret ty e paska mbet e ardhmja e Kosovës n’ty, nëse ti (aman) pranon me na mëshiru.

Hiç, asnjë dëshirë s’ta kisha plotësu.

Bëhu vetë President mbasi je kaq ‘car’, tuj e ditë veten se s’të do kush veç ju ke ra hise LDK-së e i more në qafë rininë (bashkë me atë ‘gorillën’ e Podujevës).

Me juve Hashimi ka lu qysh ka dashtë, mos shitni mendë, plus ka shkru libër kundër Rugovës, e sa herë ka pas kohë të lirë ua ka plotësu dëshirën ‘nekrofile’ me ua vizitu varrin e Rugovës.

Ju më shumë s’doni, veç me ua vizitu varrin e Rugovës, se çelësi i ardhërisë suaj është varri.
Dhe planprogrami juaj i vetëm për të ardhmën e Kosovës është varri i Rugovës.

Po qesh bota me juve.

Ju, shkoni aq larg në çmenduri sa festoni ditëlindjet e të vdekurve.
Plus hujiteni nëse nuk u bashkangjitet krejt Kosova në festë.

Lë bre allaile. Njerëzit nuk shkojnë te varri i prindërve të tyre, sidomos shqiptarët që shquhen për ‘antipati’ ndaj varrezave, që për syreta i vizitojnë veç për Bajram.

Ju njohim, të gjithëve Ju njohim.

Kem mbajtë ymyd që ndryshimi vjen prej VV, se sa për ty të njohim, a ka punë e keqe në të cilën s’keni qenë pjesëmarrës.

Hashimi bile ka ‘luftu’ nëse jo me pushkë, me fjalë…po ti, ku e more ti gjithë këtë karasevdallak, me qitë kushte, me qitë shkelma…e m’u lazdru.

Na keni lodh.

Ju a po e kuptoni se s’jeni aspak interesant, mjafton edhe tri-katër ditë zhagitje e marrëveshjes dhe harroheni.

Ka kush e do Kosovën pa kushte.

kimete berisha